બાયડના આંબલીયારા પુલ પાસે કાર અને રિક્ષા વચ્ચે ગમખ્વાર અકસ્માત: કાર ૧૦૦ ફૂટ ઊંડા ખાડામાં ખાબકી

બાયડ તાલુકાના આંબલીયારા પુલ પાસે આજે એક ગમખ્વાર અકસ્માત સર્જાયો હતો. અહીં પુલ ચડતી વખતે એક કાર અને રિક્ષા વચ્ચે જોરદાર ટક્કર થઈ હતી. આ અકસ્માત એટલો ગંભીર હતો કે ટક્કર બાદ કાર રોડ પરથી નીચે ઉતરી ગઈ હતી અને અંદાજે ૧૦૦ ફૂટ ઊંડા ખાડામાં જઈને ખાબકી હતી.

અકસ્માતની આ ઘટનામાં કાર અને રિક્ષા બંનેને ભારે નુકસાન થયું હોવાનું જાણવા મળ્યું છે. જોકે, સદનસીબે આ ગંભીર અકસ્માતમાં કોઈ પણ પ્રકારની જાનહાનિ થઈ નથી, જેના કારણે એક મોટી દુર્ઘટના ટળી હતી.