અમદાવાદ: કૃષ્ણનગરમાં જાહેરમાં લુખ્ખાગીરી કરનાર શખ્સને પોલીસે ઝડપી પાઠ ભણાવ્યો

અમદાવાદના કૃષ્ણનગર વિસ્તારમાં જાહેર માર્ગ પર લુખ્ખાગીરી કરનાર એક અસામાજિક તત્વને પોલીસે કાયદાનો પાઠ ભણાવ્યો છે. શિવાજી ચોક જેવા વ્યસ્ત જાહેર માર્ગ પર આ શખ્સ રાહદારીઓ સામે બિભત્સ અપશબ્દો બોલીને વિસ્તારમાં દહેશત ફેલાવવાનો પ્રયાસ કરી રહ્યો હતો.

આ ઘટનાનો વીડિયો સોશિયલ મીડિયા પર વાયરલ થતાં જ કૃષ્ણનગર પોલીસ તંત્ર હરકતમાં આવ્યું હતું. પોલીસે વીડિયોના આધારે તપાસ શરૂ કરી ગણતરીના કલાકોમાં જ આરોપીને ઝડપી પાડ્યો હતો.

પોલીસે આરોપીને જાહેરમાં માફી મંગાવડાવી હતી અને તેની સામે કડક કાયદેસરની કાર્યવાહી હાથ ધરી છે. પોલીસની આ ત્વરિત કામગીરીને પગલે સ્થાનિક રહીશોમાં રાહતની લાગણી જોવા મળી હતી.