ભિલોડા પોલીસ સ્ટેશન ખાતે ઈદે મિલાદ પર્વને લઈને શાંતિ સમિતિની બેઠક યોજાઈ

ભિલોડા પોલીસ સ્ટેશન ખાતે આગામી ઈદે મિલાદ પર્વના અનુસંધાને શાંતિ સમિતિની એક મહત્વપૂર્ણ બેઠક યોજાઈ હતી. આ બેઠકની અધ્યક્ષતા મોડાસા વિભાગના નાયબ પોલીસ અધિક્ષક દ્વારા કરવામાં આવી હતી.

બેઠક દરમિયાન આગામી ઈદે મિલાદનો તહેવાર શાંતિપૂર્ણ, સલામત અને સૌહાર્દભર્યા વાતાવરણમાં સંપન્ન થાય તે અંગે વિસ્તૃત ચર્ચા કરવામાં આવી હતી. પોલીસ અધિકારીઓ દ્વારા તહેવાર દરમિયાન કાયદો અને વ્યવસ્થા જળવાઈ રહે તે માટે જરૂરી માર્ગદર્શન પણ આપવામાં આવ્યું હતું.

આ બેઠકમાં સ્થાનિક સ્તરે શાંતિ અને ભાઈચારાની ભાવના જળવાઈ રહે તે માટે સૌને સાથે મળીને સહયોગ આપવા અપીલ કરવામાં આવી હતી.