અમદાવાદ: કૃષ્ણનગરમાં જાહેરમાં લુખ્ખાગીરી કરનાર શખ્સને પોલીસે ઝડપી પાડી પાઠ ભણાવ્યો

અમદાવાદના કૃષ્ણનગર વિસ્તારમાં જાહેરમાં લુખ્ખાગીરી કરનાર એક અસામાજિક તત્વને પોલીસે કાયદાનો પાઠ ભણાવ્યો છે. શિવાજી ચોક જેવા જાહેર માર્ગ પર આ શખ્સ રાહદારીઓ સામે બિભત્સ અપશબ્દો બોલીને વિસ્તારમાં દહેશત ફેલાવવાનો પ્રયાસ કરી રહ્યો હતો.

આ ઘટનાનો વીડિયો સોશિયલ મીડિયા પર વાયરલ થતા જ કૃષ્ણનગર પોલીસ તંત્ર હરકતમાં આવ્યું હતું. પોલીસે વીડિયોના આધારે તપાસ હાથ ધરીને ગણતરીના કલાકોમાં જ આરોપીને ઝડપી પાડ્યો હતો.

પોલીસે આરોપીને ઘટનાસ્થળે લાવીને જાહેરમાં માફી મંગાવી હતી. આ મામલે પોલીસે આરોપી વિરુદ્ધ કડક કાયદેસરની કાર્યવાહી હાથ ધરી છે, જેથી ભવિષ્યમાં આવી ઘટનાઓનું પુનરાવર્તન ન થાય.