ભરૂચ: નર્મદા ચોકડી પાસે ટ્રક ચાલકે કાબૂ ગુમાવતા ટ્રક નાળામાં ખાબક્યો

ભરૂચમાં આજે નર્મદા ચોકડીથી ઝાડેશ્વર ચોકડી વચ્ચેના માર્ગ પર એક ગંભીર અકસ્માતની ઘટના સામે આવી છે. અહીં એક ટ્રક ચાલકે વાહન ચલાવતી વખતે સ્ટીયરિંગ પરથી કાબૂ ગુમાવતા ટ્રક રસ્તાની બાજુમાં આવેલા ડિવાઈડરને તોડીને સીધો નાળામાં ખાબક્યો હતો.

ઘટનાની જાણકારી મળતા જ આસપાસના લોકોમાં દોડધામ મચી ગઈ હતી. સદનસીબે, આ અકસ્માતમાં ટ્રક ચાલકને કોઈ મોટી ઈજાઓ પહોંચી નથી અને તેઓ સુરક્ષિત હોવાનું જાણવા મળ્યું છે.

અકસ્માતને પગલે સ્થાનિક વિસ્તારમાં ટ્રાફિકની સ્થિતિ સર્જાઈ હતી. ટ્રક ડિવાઈડર તોડીને નાળામાં પડતા વાહનને ભારે નુકસાન થયું છે.