ગોંડલ: ગુંદાળા ચોકડી પાસે બે વાહનો વચ્ચે અકસ્માત બાદ જાહેર રોડ પર મારામારી

રાજકોટ જિલ્લાના ગોંડલ ખાતે ગુંદાળા ચોકડી નજીક આવેલી જોખમ હોટેલ પાસે બે વાહનો વચ્ચે અકસ્માત સર્જાતા ભારે હોબાળો મચી ગયો હતો. અકસ્માત બાદ બંને વાહનચાલકો અને તેમની સાથેના લોકો વચ્ચે ઉગ્ર બોલાચાલી શરૂ થઈ હતી, જે બાદમાં મારામારીમાં પરિણમી હતી.

જાહેર રોડ પર જ બંને પક્ષો વચ્ચે થયેલી આ મારામારી અને ધિંગાણાને કારણે વાહનવ્યવહાર થોડા સમય માટે ખોરવાઈ ગયો હતો. ઘટનાસ્થળે લોકોના ટોળા એકઠા થઈ ગયા હતા, જેના કારણે ટ્રાફિકની સમસ્યા સર્જાઈ હતી.

આ સમગ્ર ઘટનાનો વીડિયો ત્યાં હાજર લોકો દ્વારા મોબાઈલમાં શૂટ કરવામાં આવ્યો હતો, જે હાલ સોશિયલ મીડિયા પર ખૂબ વાયરલ થઈ રહ્યો છે. અકસ્માત બાદ થયેલા આ હંગામાને લઈને સ્થાનિક વિસ્તારમાં ચર્ચાનો વિષય બન્યો છે.