હિંમતનગરના આરટીઓ સર્કલ પાસે ગંભીર અકસ્માત: એક્ટિવા સવાર યુવતી ગંભીર રીતે ઇજાગ્રસ્ત

હિંમતનગરના આરટીઓ સર્કલ પાસે આજે એક ગંભીર માર્ગ અકસ્માત સર્જાયો હતો. આ અકસ્માતમાં એક્ટિવા પર સવાર એક યુવતી રસ્તા પર પટકાતા તેને ગંભીર ઈજાઓ પહોંચી હતી.

અકસ્માત બાદ સ્થાનિક લોકો તાત્કાલિક મદદે દોડી આવ્યા હતા અને ઇજાગ્રસ્ત યુવતીને સારવાર માટે તાત્કાલિક સિવિલ હોસ્પિટલ ખાતે ખસેડવામાં આવી હતી.

આ ઘટનાને પગલે આરટીઓ સર્કલ પાસે લોકોના ટોળાં ઉમટી પડ્યા હતા, જેના કારણે વિસ્તારમાં ભારે ટ્રાફિક જામની સમસ્યા સર્જાઈ હતી.

ઘટનાની જાણ થતાં જ સ્થાનિક પોલીસનો કાફલો તાત્કાલિક ઘટનાસ્થળે પહોંચી ગયો હતો. પોલીસે સ્થિતિ પર કાબૂ મેળવી ટ્રાફિક પૂર્વવત કરાવ્યો હતો અને અકસ્માત અંગે આગળની કાયદેસરની કાર્યવાહી તથા તપાસ હાથ ધરી છે.