બનાસકાંઠાના જૂનીરોહના ચેકડેમમાં મગર દેખાતા ગ્રામજનોમાં કુતૂહલ

બનાસકાંઠા જિલ્લાના જૂનીરોહ ગામમાં આવેલા ચેકડેમમાં એક મગર જોવા મળતા આસપાસના વિસ્તારમાં કુતૂહલ સર્જાયું છે. ચેકડેમમાં મગર હોવાની જાણ થતા જ આસપાસના ગ્રામજનો મોટી સંખ્યામાં તેને જોવા માટે ઉમટી પડ્યા હતા.

ચેકડેમમાં મગર દેખાવાની ઘટનાને પગલે સ્થાનિકોમાં આશ્ચર્ય સાથે થોડો ડર પણ જોવા મળી રહ્યો છે. મોટી સંખ્યામાં લોકો ચેકડેમ કિનારે એકઠા થઈને મગરને નિહાળી રહ્યા છે.

હાલમાં આ ઘટનાને લઈને ગ્રામજનોમાં ભારે ચર્ચા જાગી છે. ચેકડેમમાં મગર ક્યાંથી આવ્યો તે અંગે પણ લોકો તર્ક-વિતર્ક કરી રહ્યા છે.