આટકોટ પોલીસે જસાપર ગામમાં ભાદર નદીના કાંઠે ચાલતી દેશી દારૂની ભઠ્ઠી ઝડપી

આટકોટ પોલીસ સ્ટેશનના સ્ટાફ દ્વારા જસાપર ગામની સીમમાં ભાદર નદીના કાંઠે દરોડો પાડવામાં આવ્યો હતો. આ કાર્યવાહી દરમિયાન પોલીસને નદીના પટમાં ધમધમતી દેશી દારૂ બનાવવાની ભઠ્ઠી મળી આવી હતી.

પોલીસે ઘટનાસ્થળેથી દારૂ બનાવવાનું સાધન-સામગ્રી અને તૈયાર દારૂ સહિત કુલ 93,250 રૂપિયાનો મુદ્દામાલ જપ્ત કર્યો છે. આ દરોડાને પગલે સ્થાનિક વિસ્તારમાં ગેરકાયદેસર પ્રવૃત્તિ કરનારાઓમાં ફફડાટ ફેલાઈ ગયો છે.

આટકોટ પોલીસે આ મામલે કાયદેસરની કાર્યવાહી હાથ ધરીને આગળની તપાસ શરૂ કરી છે.