ચાચવેલથી મુલેર રોડ પર વાહન વ્યવહાર બંધ, નોકરીયાત વર્ગને ભારે હાલાકી

ચાચવેલથી મુલેરને જોડતો મુખ્ય માર્ગ હાલમાં બંધ કરી દેવામાં આવ્યો છે. રસ્તો બંધ હોવાને કારણે આ માર્ગ પરથી પસાર થતા વાહનચાલકો માટે મુશ્કેલી ઊભી થઈ છે.

ખાસ કરીને નોકરી પર જતા લોકો માટે આ પરિસ્થિતિ વધુ કપરી બની છે. કાર અને બાઈક લઈને અવરજવર કરતા નોકરીયાત વર્ગને લાંબા રસ્તે ફરીને જવાની ફરજ પડી રહી છે, જેના કારણે તેમનો સમય અને ઈંધણ બંનેનો બગાડ થઈ રહ્યો છે.

સ્થાનિક લોકો દ્વારા આ માર્ગ વહેલી તકે ફરી શરૂ કરવામાં આવે તેવી માંગ કરવામાં આવી છે, જેથી દૈનિક મુસાફરોને પડતી હાલાકીનો અંત આવી શકે.