પેટલાદના સ્ટેશન રોડ પર રખડતા ઢોરનો ત્રાસ: વાહનચાલકોની સુરક્ષા સામે જોખમ

પેટલાદના સ્ટેશન રોડ પર રખડતા ઢોરનો જમાવડો જોવા મળ્યો છે. રસ્તાની વચ્ચે મોટી સંખ્યામાં ગાયો અને અન્ય પશુઓ બેસેલા તથા ફરતા જોવા મળતા વાહનચાલકોને અવરજવરમાં ભારે મુશ્કેલીનો સામનો કરવો પડી રહ્યો છે.

સ્ટેશન રોડ શહેરનો એક વ્યસ્ત માર્ગ છે, જ્યાં સતત વાહનોની અવરજવર રહેતી હોય છે. આવી સ્થિતિમાં રસ્તા વચ્ચે રખડતા ઢોરને કારણે અકસ્માતની શક્યતા પણ નકારી શકાય તેમ નથી, જે વાહનચાલકોની સુરક્ષા માટે મોટું જોખમ બની ગયું છે.

સ્થાનિકો દ્વારા આ બાબતે ભારે રોષ વ્યક્ત કરવામાં આવ્યો છે. નગરજનોની માંગ છે કે પેટલાદ નગરપાલિકા અને સંબંધિત તંત્ર દ્વારા તાત્કાલિક ધોરણે આ રખડતા ઢોરને રસ્તા પરથી દૂર કરવામાં આવે અને તેમના માટે યોગ્ય વ્યવસ્થા કરવામાં આવે.