બોડેલીમાં 'સાડી દોડ'નું આયોજન: મહિલાઓએ દોડીને આપ્યો સ્વસ્થ અને સશક્ત સમાજનો સંદેશ

છોટાઉદેપુર જિલ્લાના બોડેલી ખાતે 'દોડ છોટાઉદેપુર 2.0' કાર્યક્રમ અંતર્ગત એક અનોખી સાડી દોડનું આયોજન કરવામાં આવ્યું હતું. આ કાર્યક્રમમાં નારી શક્તિનો અનોખો અંદાજ જોવા મળ્યો હતો, જ્યાં મહિલાઓએ પરંપરાગત વસ્ત્ર સાડી પહેરીને દોડમાં ભાગ લીધો હતો.

આ દોડમાં યુવતીઓથી લઈને સિનિયર સિટીઝન મહિલાઓએ ખૂબ જ ઉત્સાહભેર ભાગ લીધો હતો. તમામ વયજૂથની મહિલાઓની આ ભાગીદારીએ કાર્યક્રમમાં વિશેષ આકર્ષણ જમાવ્યું હતું.

આ આયોજનનો મુખ્ય ઉદ્દેશ્ય 'સ્વસ્થ નારી, સશક્ત સમાજ'નો સંદેશ ફેલાવવાનો હતો. મહિલાઓએ દોડમાં સામેલ થઈને સમાજને શારીરિક રીતે સ્વસ્થ અને સશક્ત રહેવા માટે પ્રેરણા આપી હતી.