અમદાવાદના જુહાપુરામાં પરિવાર પર જીવલેણ હુમલો: તલવાર અને બેઝબોલના દંડાથી માર માર્યો

અમદાવાદના જુહાપુરા વિસ્તારમાં એક ચોંકાવનારી ઘટના સામે આવી છે, જેમાં અજાણ્યા શખ્સો દ્વારા એક સોસાયટીમાં ઘૂસીને પરિવાર પર હુમલો કરવામાં આવ્યો હતો. આ હુમલાખોરોએ તલવાર અને બેઝબોલના દંડાનો ઉપયોગ કરીને પરિવારને ગંભીર ઈજાઓ પહોંચાડી હતી.

ઘટનાની જાણ થતા જ સ્થાનિક પોલીસ ઘટનાસ્થળે પહોંચી હતી. પોલીસે આસપાસના સીસીટીવી ફૂટેજ મેળવીને તપાસ શરૂ કરી છે. સીસીટીવીના આધારે હુમલાખોરોની ઓળખ કરવાની કામગીરી હાથ ધરવામાં આવી છે.

પોલીસે આ મામલે ગુનો દાખલ કરીને કાયદેસરની કાર્યવાહી શરૂ કરી છે. હાલમાં પોલીસ દ્વારા હુમલાખોરોને પકડવા માટેના ચક્રો ગતિમાન કરવામાં આવ્યા છે.