હિંમતનગરના સહકારી ઓવરબ્રિજ પર આખલા સાથે બે કાર અથડાતા અકસ્માત

હિંમતનગરના સહકારી ઓવરબ્રિજ પર એક ગંભીર અકસ્માતની ઘટના સામે આવી છે. ઓવરબ્રિજ પર અચાનક રસ્તામાં આવેલા આખલા સાથે એક કાર અથડાતા અકસ્માત સર્જાયો હતો.

પ્રાપ્ત માહિતી અનુસાર, આખલા સાથે અથડાયા બાદ પ્રથમ કાર પલટી ગઈ હતી. આ ઘટના બાદ પાછળથી આવી રહેલી એલસીબી (LCB) ની સરકારી બોલેરો કાર પણ આખલા સાથે અથડાતા તે પણ પલટી ગઈ હતી.

આ અકસ્માતને કારણે ઓવરબ્રિજ પર ટ્રાફિકની સમસ્યા સર્જાઈ હતી. ઘટનાની જાણ થતા જ સ્થાનિક તંત્ર દ્વારા જરૂરી કાર્યવાહી હાથ ધરવામાં આવી હતી.