પાટણ રેલવે સ્ટેશન પર ભગત કી કોઠી–ચેન્નાઈ એક્સપ્રેસને સ્ટોપેજ મળ્યું: મુસાફરોને મળશે સીધી કનેક્ટિવિટી

પાટણ રેલવે સ્ટેશન પર હવે ટ્રેન નંબર 20626/20625 ભગત કી કોઠી–MGR ચેન્નાઈ સેન્ટ્રલ–ભગત કી કોઠી સુપરફાસ્ટ એક્સપ્રેસનો વધારાનો સ્ટોપ આપવામાં આવ્યો છે. આ નવી સુવિધાના કારણે પાટણના મુસાફરોને રાજસ્થાન, મહારાષ્ટ્ર અને તમિલનાડુ જેવા રાજ્યોના મોટા શહેરો સુધી પહોંચવા માટે સીધી રેલવે કનેક્ટિવિટી મળી રહેશે.

આ ટ્રેનને પાટણના સાંસદ ભરતસિંહજી ડાભી, અમદાવાદના DRM વેદ પ્રકાશ અને અન્ય મહાનુભાવોની ઉપસ્થિતિમાં લીલી ઝંડી બતાવીને પ્રસ્થાન કરાવવામાં આવ્યું હતું. આ પ્રસંગે રેલવેના અધિકારીઓ અને સ્થાનિક આગેવાનો પણ જોડાયા હતા.

આ નવી સુવિધાથી મુસાફરોને મોટી રાહત મળશે અને પર્યટનને વેગ મળશે. આ ઉપરાંત, પાટણના વેપાર, હસ્તકલા અને વિશ્વપ્રસિદ્ધ પાટોળા ઉદ્યોગને પણ આ કનેક્ટિવિટીથી નવું પ્રોત્સાહન મળશે. અમદાવાદ ડિવિઝન મુસાફરોને સુરક્ષિત અને સુવિધાજનક સેવાઓ પૂરી પાડવા માટે સતત પ્રતિબદ્ધ છે.