ધાંગધ્રાના મેથાણ ગામે પોણા બે કરોડનું લોન કૌભાંડ: ગ્રાહકોના નામે બોગસ ખાતા ખોલી આચર્યું કૌભાંડ

બ્રેકિંગ ન્યુઝ

સુરેન્દ્રનગર જિલ્લાના ધાંગધ્રા તાલુકાના મેથાણ ગામે એક મોટું લોન કૌભાંડ પ્રકાશમાં આવ્યું છે. આ કૌભાંડમાં સ્થાનિક ગ્રાહકોના નામે બોગસ બેંક ખાતાઓ ખોલીને લાખો રૂપિયાની લોન મેળવી લેવામાં આવી હોવાની વિગતો સામે આવી છે.

પ્રાપ્ત માહિતી અનુસાર, આ સમગ્ર કૌભાંડ આશરે પોણા બે કરોડ રૂપિયાનું હોવાનું અનુમાન છે. બેંક મેનેજર દ્વારા ગ્રાહકોની જાણ બહાર તેમના દસ્તાવેજોનો દુરુપયોગ કરીને આ બોગસ ખાતાઓ ખોલવામાં આવ્યા હતા અને ત્યારબાદ તેના આધારે લોન મંજૂર કરાવી લેવામાં આવી હતી.

આ ઘટનાને પગલે સ્થાનિકોમાં ભારે રોષ જોવા મળી રહ્યો છે. હાલ આ મામલે તપાસ હાથ ધરવામાં આવી છે કે આટલી મોટી રકમનું કૌભાંડ કેવી રીતે અને કોની મદદથી આચરવામાં આવ્યું છે.
રિપોર્ટર સિકંદર ભટ્ટી ધાગધ્રા