રાજકોટ કોર્ટમાં વકીલો વચ્ચે થયેલી બોલાચાલી અને ઝઘડાનો વીડિયો વાયરલ

રાજકોટ કોર્ટના ચોથા માળે વકીલો વચ્ચે બોલાચાલી અને ઝઘડાની ઘટના સામે આવી છે. આ ઘટનાનો એક વીડિયો હાલ સોશિયલ મીડિયા પર ખૂબ જ વાયરલ થઈ રહ્યો છે, જેમાં વકીલો વચ્ચે ઉગ્ર દલીલો થતી જોવા મળે છે.

ઘટનાની જાણ થતાં જ આસપાસના અન્ય વકીલો પણ મોટી સંખ્યામાં સ્થળ પર એકઠા થઈ ગયા હતા. આ ઘટનાને પગલે કોર્ટ પરિસરમાં થોડા સમય માટે ભારે ચર્ચાનો માહોલ સર્જાયો હતો અને લોકોમાં કુતૂહલ જોવા મળ્યું હતું.

જોકે, વકીલો વચ્ચે આ ઝઘડો કયા કારણોસર થયો અને સમગ્ર મામલાની પાછળની હકીકત શું છે, તે અંગેની સત્તાવાર વિગતો હજુ સુધી સામે આવી નથી.