જૂનાગઢમાં સ્વ. રાજીવ ગાંધીની ૮૨મી જન્મજયંતિ નિમિત્તે વૃક્ષારોપણ કાર્યક્રમ યોજાયો

જૂનાગઢ શહેર-જિલ્લા કોંગ્રેસ સમિતિ દ્વારા આજે પૂર્વ વડાપ્રધાન સ્વ. રાજીવ ગાંધીજીની ૮૨મી જન્મજયંતિ નિમિત્તે એક વિશેષ વૃક્ષારોપણ કાર્યક્રમનું આયોજન કરવામાં આવ્યું હતું. આ કાર્યક્રમમાં સ્વ. રાજીવ ગાંધીજીની સ્મૃતિને ભાવભીની અંજલિ આપવામાં આવી હતી.

આ પ્રસંગે ઉપસ્થિત આગેવાનો અને કાર્યકરોએ વૃક્ષારોપણ કરીને પ્રકૃતિના સંરક્ષણ અને પર્યાવરણના જતનનો સંદેશ આપ્યો હતો. તેમણે જણાવ્યું હતું કે, પર્યાવરણનું જતન કરવું એ આપણા સૌની સામૂહિક જવાબદારી છે અને વધુમાં વધુ વૃક્ષો વાવીને પૃથ્વીને હરિયાળી બનાવવી જરૂરી છે.

કાર્યક્રમ દરમિયાન જૂનાગઢને હરિયાળું, સ્વચ્છ અને સુંદર બનાવવાનો સંકલ્પ પણ લેવામાં આવ્યો હતો. આ આયોજન દ્વારા પર્યાવરણ પ્રત્યે જાગૃતિ ફેલાવવાનો પ્રયાસ કરવામાં આવ્યો હતો.