ગુજરાત ગેસમાં સી એન જી ગેસના ભાવમાં વધારો

ગુજરાત ગેસમાં સી એન જી ગેસના ભાવમાં વધારો કરવામાં આવ્યો છે. અદાણી ગેસ બાદ ગુજરાત ગેસે પણ 3.75 રૂપિયા પ્રતિ કિલોનો ભાવ વધારો કર્યો છે. જૂનો ભાવ 85.01 રૂપિયા પ્રતિ કિલો હતો, જે હવે વધીને 88.76 રૂપિયા પ્રતિ કિલો થયો છે.

આ ભાવ વધારા બાદ આજે નવા ભાવ અમલમાં આવ્યા છે. મોંઘવારીના સમય દરમિયાન આ વધારાનો સીધો અસર સી એન જી વાહન ચાલકો, રીક્ષા ચાલકો અને ટેક્સી ચાલકોના બજેટ પર પડશે.

ઈંધણના ભાવમાં વધારો થતાં લોકોમાં રોષની લાગણી જોવા મળી રહી છે. વાહન ચાલકો અને સામાન્ય લોકો આ વધારાને લઈને ચિંતિત છે અને આર્થિક મુશ્કેલીઓનો સામનો કરી રહ્યા છે.