ડેભારી ગ્રામ પંચાયતની તાત્કાલિક કામગીરી: તોરણના મુવાડા ફળિયામાં સફાઈ અભિયાન શરૂ

ડેભારી ગ્રામ પંચાયતની તાત્કાલિક કામગીરી: તોરણના મુવાડા ફળિયામાં સફાઈ અભિયાન

વીરપુર તાલુકાના ડેભારી ગ્રામ પંચાયતની તાત્કાલિક કામગીરી

વીરપુર તાલુકાના ડેભારી ગ્રામ પંચાયત વિસ્તારમાં આવેલા તોરણના મુવાડા ફળિયામાં રસ્તા પર ગંદકી અને કાદવ-કિચડની સમસ્યા જોવા મળી રહી હતી. ખાસ કરીને 15મી ઓગસ્ટની તિરંગા રેલી દરમિયાન વિદ્યાર્થીઓ કાદવ-કિચડમાંથી પસાર થઈ રહ્યા હોવાનો વીડિયો સોશિયલ મીડિયા પર વાયરલ થયો હતો.વિડિયો વાયરલ થયા બાદ ડેભારી ગ્રામ પંચાયત તંત્ર દ્વારા તાત્કાલિક ધોરણે કાર્યવાહી હાથ ધરવામાં આવી હતી. યુદ્ધના ધોરણે સફાઈ કામગીરી શરૂ કરી રસ્તા પરની ગંદકી દૂર કરવામાં આવી તેમજ જરૂરી સાફ-સફાઈ કરવામાં આવી હતી.ગ્રામ પંચાયતની તાત્કાલિક કામગીરીથી સ્થાનિક રહીશો અને વિદ્યાર્થીઓને પડતી હાલાકીમાંથી રાહત મળી છે. સોશિયલ મીડિયામાં વાયરલ થયેલા વીડિયોને પગલે તંત્ર હરકતમાં આવતા ગણતરીના સમયમાં સફાઈ કામગીરી હાથ ધરાતા ગ્રામજનોમાં પણ સંતોષ જોવા મળ્યો હતો.