કામરેજ ચાર રસ્તા પરથી નાસતો આરોપી ઝડપાયો

સુરત ગ્રામ્ય LCBની પેરોલ ફર્લો સ્ક્વોડે 2023થી નાસતા ફરતા આરોપી નુરુલહસન ઉર્ફે ટોટન જોહરઅલી શેખ (ઉ.વ. 48)ને કામરેજ ચાર રસ્તા નજીકથી ઝડપી પાડ્યો છે. આ આરોપી અરવલ્લી જિલ્લાના મોડાસા ટાઉન પોલીસ સ્ટેશનના ઘરફોડ ચોરીના ગુનામાં નાસતો હતો.

પ્રાથમિક તપાસમાં જાણવા મળ્યું છે કે આરોપી હાલ બારડોલી ખાતે રહેતો હતો. પૂછપરછ દરમિયાન, મોડાસા ટાઉન પોલીસ સ્ટેશનના ગુનામાં નાસતો હોવાનું ખુલતા, આરોપીને કામરેજ પોલીસ સ્ટેશન ખાતે સોંપવામાં આવ્યો.

આરોપી વિરુદ્ધ અગાઉ ગોધરા, વણઝાલવાડા અને બોરતળાવ પોલીસ સ્ટેશનમાં પણ ઘરફોડ ચોરી સહિતના ગુનાઓ નોંધાયેલા છે.