ગડતમાં ધી અંબિકા હાઇસ્કૂલમાં સ્વાતંત્ર્ય દિનની ઉજવણી

ધી અંબિકા હાઇસ્કૂલ, ગડતમાં 15મી ઓગસ્ટ સ્વાતંત્ર્ય દિનની ભવ્ય ઉજવણી કરવામાં આવી હતી. શાળાના સિનિયર શિક્ષક શ્રી ભરતભાઈ દ્વારા ધ્વજારોહણ કરવામાં આવ્યું હતું અને તેમણે પ્રસંગોચિત ઉદબોધન દ્વારા દેશપ્રેમ તથા રાષ્ટ્રભક્તિનો સંદેશ આપ્યો હતો.

શાળાના આચાર્યશ્રી દ્વારા વિદ્યાર્થીઓને દેશભક્તિનો મહિમા સમજાવવામાં આવ્યો તેમજ દેશના સ્વાતંત્ર્ય માટે શહીદ થયેલા વીર સપૂતોના બલિદાનને યાદ કરવામાં આવ્યું હતું. આ પ્રસંગે દેશભક્તિના ગીતો, રાષ્ટ્રગાન અને ‘વંદે માતરમ્’ના ગાનથી સમગ્ર શાળાનું વાતાવરણ દેશભક્તિના રંગે રંગાઈ ગયું હતું.

સમગ્ર કાર્યક્રમ ઉત્સાહ, આનંદ અને રાષ્ટ્રપ્રેમની ભાવનાથી ભરપૂર રહ્યો હતો.