કુકેરી ગામમાં દીપડો દેખાતા સ્થાનિકોમાં ભયનો માહોલ

કુકેરી ગામમાં દીપડો દેખાતા સ્થાનિક રહેવાસીઓમાં ભયનો માહોલ સર્જાયો છે. ગામની સીમમાં દીપડાની હલચલ જોવા મળતા લોકો સાંજ પડ્યે ઘર બહાર નીકળતા પણ ડરી રહ્યા છે.

પ્રાપ્ત માહિતી અનુસાર, કુકેરી ગામ અને તેની આસપાસના વિસ્તારોમાં છેલ્લા કેટલાક દિવસોથી દીપડાની લટાર જોવા મળી રહી છે. ખેતરોમાં કામ કરતા ખેડૂતો અને ગામના લોકોએ દીપડાને જોયો હોવાનો દાવો કર્યો છે. દીપડાના ભયને પગલે ગામલોકોએ સાવચેતીના પગલાં ભર્યા છે અને સાંજના સમયે બહાર નીકળવાનું ટાળી રહ્યા છે.