શામળાજીમાં 'હર ઘર તિરંગા' અભિયાન હેઠળ તિરંગા યાત્રા યોજાઈ

આજે પવિત્ર શામળાજીની ધરતી પર 'હર ઘર તિરંગા' અભિયાન અંતર્ગત તિરંગા યાત્રા યોજવામાં આવી. આ યાત્રામાં મંત્રી શ્રી પી સી બરંડા સાહેબની ઉપસ્થિતિ રહી. યાત્રામાં ભાગ લેતા નાગરિકો, વિદ્યાર્થીઓ, NCC-NSSના યુવાનો અને પોલીસ જવાનો સાથે મળીને રાષ્ટ્રપ્રેમની ભાવનાને વધુ મજબૂત બનાવવાનો આનંદ માણ્યો.

શામળાજીની પવિત્ર ભૂમિ પર ગુંજતા ભારત માતાના જયઘોષ અને લહેરાતા તિરંગાઓએ સમગ્ર વાતાવરણને દેશભક્તિના રંગે રંગી દીધું. યાત્રામાં ભાગ લેનારાઓએ હાથમાં તિરંગા પકડીને દેશભક્તિનો ભાવ વ્યક્ત કર્યો.

આપણો તિરંગો માત્ર એક ધ્વજ નથી; તે આપણા સ્વાતંત્ર્ય સેનાનીઓના બલિદાન, દેશની એકતા અને અખંડિતતાનું પ્રતીક છે. આ પ્રસંગે, તમામને એક ભારત, શ્રેષ્ઠ ભારતના સંકલ્પને સાકાર કરવાનો સંકલ્પ લેવા માટે પ્રેરણા મળી.

તિરંગાની આ આદરણીય યાત્રા દેશભક્તિના ભાવનાને ઉજાગર કરતી અને એકતા અને સમરસતાના સંદેશને ફેલાવતી રહી.