ભરૂચમાં રિક્ષા પરમિટ પર પ્રતિબંધની માંગ

ભરૂચ શહેર અને જિલ્લામાં રિક્ષાઓની વધતી સંખ્યા અને ટ્રાફિકની સમસ્યાને ધ્યાનમાં રાખીને રિક્ષા એસોસિએશન દ્વારા જિલ્લા કલેક્ટરને આવેદનપત્ર આપવામાં આવ્યું છે. આ આવેદનપત્રમાં નવા રિક્ષા પરમીટને થોડા સમય માટે રોકવા માટેની માંગ કરવામાં આવી છે.

રિક્ષા એસોસિએશનના પ્રતિનિધિઓએ જણાવ્યું છે કે, રેપિડો-ઓલા જેવી સેવાઓ પર નિયંત્રણ લાવવા માટે પણ રજૂઆત કરવામાં આવી છે. તેઓએ રિક્ષા ચાલકોના હિતમાં યોગ્ય નિર્ણય લેવાની માંગ કરી છે.

હવે જોવાનું રહ્યું છે કે તંત્ર આ રજૂઆત અંગે શું નિર્ણય લે છે અને ભરૂચમાં ટ્રાફિક સમસ્યાને કઈ રીતે હલ કરવામાં આવે છે.