અમદાવાદમાં ગાયકવાડ હવેલી પોલીસ દ્વારા કફ સીરપનો જથ્થો ઝડપાયો

અમદાવાદના જમાલપુર ચાર રસ્તા નજીક રાત્રિના સમયે ગાયકવાડ હવેલી પોલીસ દ્વારા કરવામાં આવેલી વાહન ચેકિંગમાં કફ સીરપનો જથ્થો ઝડપાયો છે. પોલીસની ટીમે શંકાસ્પદ કારની તપાસ કરતાં કારમાંથી આ નશાકારક દવા મળી આવી હતી.

આ કાર્યવાહી દરમિયાન પોલીસે ત્રણ આરોપીઓની ધરપકડ કરી છે. પોલીસ દ્વારા કફ સીરપનો જથ્થો તથા ઉપયોગમાં લેવાયેલી હ્યુન્ડાઈ કાર (GJ23CB1865) કબજે કરવામાં આવી છે, અને વધુ તપાસ શરૂ કરવામાં આવી છે.

પોલીસ આ તપાસમાં જાણવા પ્રયાસ કરી રહી છે કે કફ સીરપ ક્યાંથી લાવવામાં આવી હતી, ક્યાં પહોંચાડવાની હતી અને સમગ્ર નેટવર્કમાં અન્ય કેટલા લોકો સંડોવાયેલા છે.