મંત્રી પી સી બરંડા દ્વારા એકલવ્ય મોડેલ સ્કૂલની મુલાકાત અને વિદ્યાર્થીઓ સાથે સંવાદ

આજરોજ એકલવ્ય મોડેલ રેસિડેન્શિયલ સ્કૂલ, શામળાજી ની મંત્રી શ્રી પી સી બરંડા સાહેબે મુલાકાત લીધી. તેમણે સ્કૂલના રસોડા (કિચન)નું નિરીક્ષણ કર્યું અને વિદ્યાર્થીઓને ઉપલબ્ધ ભોજનની ગુણવત્તા તેમજ અન્ય સુવિધાઓ અંગે માહિતી મેળવી.

મંત્રીએ આ દરમિયાન વિદ્યાર્થીઓ સાથે આત્મીય સંવાદ કર્યો. તેમણે વિદ્યાર્થીઓના અભ્યાસ, દૈનિક જીવન અને જરૂરિયાતો વિશે ચર્ચા કરી. આ સંવાદ દ્વારા તેમણે વિદ્યાર્થીઓને શ્રેષ્ઠ શૈક્ષણિક વાતાવરણ અને ગુણવત્તાયુક્ત સુવિધાઓ ઉપલબ્ધ થાય તે માટે જરૂરી સૂચનો આપ્યા.

મંત્રીએ વિદ્યાર્થીઓને પ્રોત્સાહિત કરતા જણાવ્યું કે, તેઓએ શૈક્ષણિક ક્ષેત્રમાં આગળ વધવા માટે સતત મહેનત કરવી જોઈએ. આ મુલાકાતથી વિદ્યાર્થીઓમાં ઉત્સાહ વધ્યો છે અને તેઓએ મંત્રીએ આપેલા સૂચનોને ધ્યાનમાં રાખવાની પ્રતિજ્ઞા કરી છે.