સાબરકાંઠામાં NH-48 પર કરણપુર ઓવરબ્રિજ પાસે બે કાર વચ્ચે ગમખ્વાર અકસ્માત, 4થી વધુ ઈજાગ્રસ્ત

સાબરકાંઠા જિલ્લામાં રાષ્ટ્રીય હાઈવે-48 પર ગમખ્વાર અકસ્માતની ઘટના બની છે. કરણપુર ઓવરબ્રિજ પાસે બે કાર વચ્ચે ભીષણ અથડામણ થતાં ઘણા લોકો ઘાયલ થયા છે. આ અકસ્માતમાં કુલ 4થી વધુ લોકોને ઈજાઓ પહોંચી છે.

મળતી માહિતી પ્રમાણે, એક કાર ચાલકે કાબૂ ગુમાવતાં તે હવામાં ફંગોળાઈ ગઈ હતી અને રોંગ સાઈડમાં પડી ગઈ હતી. આ દરમિયાન તે કાર અન્ય એક કાર સાથે અથડાઈ ગઈ હતી, જેના કારણે આ ભીષણ અકસ્માત બન્યો હતો.

અકસ્માતની ઘટના બન્યા બાદ ઘાયલોને તાત્કાલિક સારવાર માટે હોસ્પિટલમાં ખસેડવામાં આવ્યા છે. આ ઘટના બાદ હાઈવે પર ટ્રાફિકમાં ભારે અવરોધ સર્જાયો હતો.