🔥 TRENDING Jharkhand Declares High Alert as Cyclo... India's Solar Power Capacity Sees 68-F... Aditya Vision Expands to 223 Showrooms... Three Global Powers Sign Historic Peac... FICCI President Calls on Businesses to... Asianet Newsable Reviews Amal Neerad’s...
19 Nov 2026•
ગુજરાતી मराठी ਪੰਜਾਬੀ বাংলা
અતુલ ફર્સ્ટ ગેટ–પારનેરા પર NH-48 ના બ્રિજની સ્થિતિ ખરાબ, વાહનચાલકોને જોખમ
Local

અતુલ ફર્સ્ટ ગેટ–પારનેરા પર NH-48 ના બ્રિજની સ્થિતિ ખરાબ, વાહનચાલકોને જોખમ

✍️ Reporter: patel harsh mahendrbhai 🗓 02 Sep 2026, 02:18 PM 👁 92
Watch on: ▶️ YouTube
Share: 💬 WhatsApp 📘 Facebook 𝕏 Post

અતુલ ફર્સ્ટ ગેટ અને પારનેરા નજીક નેશનલ હાઇવે 48 પર બ્રિજની રસ્તાની ખરાબ સ્થિતિને કારણે ધૂળનું ગોટેગોટા અને દૃશ્યતા ઘટી વાહનચાલકોમાં સુરક્ષા અંગે ચિંતા ઊભી થઈ છે.

અતુલ‑ફર્સ્ટ ગેટ અને પારનેરા વિસ્તારમાં નેશનલ હાઇવે નંબર‑48 પર આવેલા બ્રિજની રસ્તાની હાલત અત્યંત ખરાબ બની ગઈ છે. રસ્તા પર પડેલી કપચી, કોંક્રિટ અને પાવડર જેવી ધૂળને કારણે વાહનો પસાર થતાં ભારે પ્રમાણમાં ધૂળ ઉડે છે, જેના કારણે કેટલીક ક્ષણો માટે દૃશ્યતા ખૂબ ઓછી થઈ જાય છે.

આ પરિસ્થિતિને કારણે હાઇવે પરથી પસાર થતા વાહનચાલકોમાં ભયનો માહોલ જોવા મળી રહ્યો છે. ખાસ કરીને ભારે વાહનો પસાર થાય ત્યારે ધૂળના ગોટેગોટા ઉડવાથી પાછળથી આવતા ડ્રાઇવરોને રસ્તો સ્પષ્ટ દેખાતો નથી, જેના કારણે અકસ્માતનું જોખમ વધી રહ્યું છે.

સ્થાનિકો નેશનલ હાઇવે જેવી મહત્વપૂર્ણ માર્ગવ્યવસ્થા પર આવી સ્થિતિ સર્જાય અને સમયસર યોગ્ય કામગીરી ન કરવામાં આવે તો તેની જવાબદારી કોણની? એ પ્રશ્ન ઉઠાવી રહ્યા છે. તેઓ ટોલ અને વિવિધ કર ચૂકવે છે, તેથી સુરક્ષિત અને સુવિધાજનક માર્ગની અપેક્ષા રાખે છે.

હાઇવે ઓથોરિટી અને સંબંધિત તંત્રને તાત્કાલિક સ્થળની મુલાકાત લઈને રસ્તાની સ્થિતિનું નિરીક્ષણ કરવા, જરૂરી સમારકામ, ધૂળ નિયંત્રણ અને વાહનચાલકોની સુરક્ષા માટે યોગ્ય વ્યવસ્થા કરવાની માંગ કરવામાં આવી છે. સ્થાનિકોનું કહેવું છે કે જો તાત્કાલિક પગલાં લેવામાં નહીં આવે તો આગામી દિવસોમાં ઉગ્ર વિરોધ-આંદોલન થઈ શકે છે.

જનતાની સ્પષ્ટ માંગ છે કે કોઈ મોટી દુર્ઘટના કે જાનહાનિ થાય તે પહેલાં તંત્ર જાગે અને અતુલ ફર્સ્ટ ગેટ–પારનેરા નજીક NH‑48 પરની રસ્તાની સમસ્યાનું તાત્કાલિક નિરાકરણ લાવે.
📲Get App