ખેડબ્રહ્મા પોલીસે NDPS ગુનામાં ચાર મહિનાથી ફરાર આરોપીને ઝડપી પાડ્યો

ખેડબ્રહ્મા પોલીસે એક સફળ કામગીરી હાથ ધરીને NDPS એક્ટ હેઠળના ગુનામાં છેલ્લા ચાર મહિનાથી પોલીસ પકડથી દૂર રહેલા આરોપીને ઝડપી લીધો છે. પકડાયેલા આરોપીની ઓળખ નાગજીભાઈ ગલબાભાઈ બુબડીયા તરીકે થઈ છે, જે પોશીના તાલુકાના વલસાડી ગામનો રહેવાસી છે.

આરોપી વિરુદ્ધ ગાંધીનગર જિલ્લાના ચિલોડા પોલીસ સ્ટેશનમાં NDPS એક્ટ હેઠળ ગુનો નોંધાયેલો હતો. પોલીસ આ આરોપીની લાંબા સમયથી શોધખોળ કરી રહી હતી. દરમિયાન, ખેડબ્રહ્મા પોલીસને ચોક્કસ બાતમી મળી હતી કે આરોપી ખેડબ્રહ્મા વિસ્તારમાં ફરી રહ્યો છે.

બાતમીના આધારે પોલીસે ખેડબ્રહ્માની ગ્રેવીટી હાઈસ્કૂલ પાસેથી આરોપી નાગજીભાઈ બુબડીયાને ઝડપી પાડ્યો હતો. ધરપકડ બાદ કાયદેસરની કાર્યવાહી પૂર્ણ કરી તેને આગળની તપાસ માટે ચિલોડા પોલીસ સ્ટેશનના હવાલે કરવામાં આવ્યો છે.