नांदेड जिल्ह्यातील बळेगाव येथे भीम आर्मीच्या नवीन शाखेचे अनावरण; सामाजिक न्यायासाठी संघटित कार्याचा निर्धार

नांदेड जिल्ह्यातील उमरी तालुक्यातील बळेगाव येथे भीम आर्मी भारत एकता मिशनच्या नवीन शाखेचे अनावरण उत्साहपूर्ण वातावरणात पार पडले. या शाखेच्या माध्यमातून गावात सामाजिक समता, बंधुता, न्याय, शैक्षणिक जागृती आणि संविधानिक अधिकारांसाठी संघटितपणे कार्य करण्याचा निर्धार यावेळी व्यक्त करण्यात आला. या कार्यक्रमाला जिल्हा आणि तालुका स्तरावरील अनेक पदाधिकारी उपस्थित होते.

भीम आर्मीचे संस्थापक व राष्ट्रीय अध्यक्ष चंद्रशेखर आझाद (रावण) व राष्ट्रीय अध्यक्ष विनय रतन सिंह यांच्या नेतृत्वाखाली, तसेच महाराष्ट्र प्रदेशाध्यक्ष अशोक भाऊ कांबळे यांच्या मार्गदर्शनाखाली नांदेड जिल्ह्यात संघटनेची बांधणी अधिक मजबूत करण्याचे काम सुरू आहे. यावेळी जिल्हाध्यक्ष स्वप्निल भोसीकर, जिल्हा वरिष्ठ उपाध्यक्ष विजय पवार, जिल्हा कार्याध्यक्ष बोधीवृक्ष कदम, जिल्हा मुख्य महासचिव बुद्धिवंत लोखंडे, जिल्हा महासचिव सिद्धार्थ हाणमंते, जिल्हा सचिव विकास सोनकांबळे, जिल्हा सचिव श्रीकांत वाघमारे, जिल्हा कोषाध्यक्ष नदीम बेग व जिल्हा सोशल मीडिया अध्यक्ष सिद्धार्थ सोनकांबळे यांच्या मार्गदर्शनाखाली संघटनात्मक कार्याला बळ देण्यात आले.

बळेगाव शाखेच्या पदाधिकारी पदांवर संदीप सूर्यवंशी (अध्यक्ष), विकास सूर्यवंशी (उपाध्यक्ष), यशवंत कि. सूर्यवंशी (सचिव) व आकाश सूर्यवंशी (कोषाध्यक्ष) यांची निवड करण्यात आली. तालुका स्तरावर शेख सईद व अमोल बेरजे (उपाध्यक्ष), आदित्य वाघमारे (कोषाध्यक्ष), अमोल सूर्यवंशी (संघटक) व तथागत सूर्यवंशी (सहसचिव) यांनी जबाबदारी स्वीकारली. तसेच दिलीप सूर्यवंशी, गोविंद सूर्यवंशी, नागोराव आर. सूर्यवंशी, भगवान सूर्यवंशी, गंगाधर एस. सूर्यवंशी, कपिल सूर्यवंशी, आनंदा बि. सूर्यवंशी, साहेबराव बि. सूर्यवंशी, गुणप्रकाश सूर्यवंशी, अनिल सूर्यवंशी, राहुल बि. सूर्यवंशी, विलास सूर्यवंशी, नागोराव के. सूर्यवंशी, मारोती सूर्यवंशी, राहुल पी. सूर्यवंशी, शुद्धोधन सूर्यवंशी, संतोष सूर्यवंशी, संघरत्न सूर्यवंशी व निखिल सूर्यवंशी यांचे नाव शाखा सदस्य म्हणून घेण्यात आले.

यावेळी हुंडा शाखेचे पदाधिकारी, गावकरी तसेच विविध क्षेत्रांतील मान्यवर पदाधिकारी उपस्थित होते. बळेगाव शाखेच्या माध्यमातून गावातील गोरगरीब, शोषित, वंचित आणि अन्यायग्रस्त नागरिकांना न्याय मिळवून देण्यासाठी तसेच सामाजिक अन्याय व अत्याचाराविरोधात संविधानिक मार्गाने लढा उभारण्यासाठी भीम आर्मीचे कार्यकर्ते सदैव तत्पर राहतील, असा निर्धार व्यक्त करण्यात आला. महापुरुषांचे विचार, संविधानाचे संस्कार आणि सामाजिक परिवर्तनाची चळवळ गावागावांत पोहोचविण्यासाठी भीम आर्मी भारत एकता मिशन कटिबद्ध असल्याचा संदेश या शाखा अनावरण सोहळ्यातून देण्यात आला.