પલસાણા તાલુકાના ૪ોવા ગામમાં હાથીપગા સામે MDA કાર્યક્રમ યોજાયો

પલસાણા તાલુકાના ગંગાધરા પ્રાથમિક આરોગ્ય કેન્દ્રના કાર્યક્ષેત્ર હેઠળ આવતા ૪ોવા ગામમાં માસ ડ્રગ એડમિનિસ્ટ્રેશન (MDA) કાર્યક્રમ સફળતાપૂર્વક યોજાયો હતો. આ કાર્યક્રમનો મુખ્ય ઉદ્દેશ્ય હાથીપગા (લિમ્ફેટિક ફાઈલેરીયાસીસ) જેવા ગંભીર રોગો સામે લોકોને સુરક્ષિત રાખવાનો અને આ રોગો અંગે સમાજમાં વ્યાપક જાગૃતિ ફેલાવવાનો હતો.

આરોગ્ય વિભાગની ટીમે આ કાર્યક્રમ અંતર્ગત ગામના દરેક ઘરે-ઘરે પહોંચીને લોકોને જરૂરી દવાઓનું વિતરણ કર્યું હતું અને રોગ સંબંધિત મહત્વપૂર્ણ માહિતી પૂરી પાડી હતી. આરોગ્ય કર્મચારીઓએ લોકોને રોગના લક્ષણો, તેનાથી બચવાના ઉપાયો અને સમયસર સારવારના મહત્વ વિશે માર્ગદર્શન આપ્યું હતું.

MDA કાર્યક્રમ દ્વારા ગામના નાગરિકોને હાથીપગા જેવા રોગોથી મુક્ત રાખવા અને તેમના સ્વાસ્થ્યની સુરક્ષા સુનિશ્ચિત કરવા માટે આરોગ્ય વિભાગ પ્રતિબદ્ધ છે. આ પ્રકારના કાર્યક્રમો ભવિષ્યમાં પણ યોજવામાં આવશે જેથી સમુદાયના સ્વાસ્થ્યમાં સુધારો લાવી શકાય.