Crime
આણંદમાં બ્રાન્ડેડ બોટલો અને સ્ટીકરની આડમાં નકલી ઈંગ્લિશ દારૂ બનાવવાનું રેકેટ ઝડપાયું: LCBની મોટી કાર્યવાહી
આણંદ એલસીબીએ બોરસદના દહેવાણ ગામમાંથી નકલી ઈંગ્લિશ દારૂ બનાવવાની ફેક્ટરી ઝડપી પાડી છે. પોલીસે સ્થળ પરથી સ્પિરિટ અને ખાલી બોટલો સહિત રૂ. 1.39 લાખથી વધુનો મુદ્દામાલ જપ્ત કરી ત્રણ આરોપીઓ સામે ગુનો નોંધ્યો છે.
આણંદ જિલ્લામાં બ્રાન્ડેડ કંપનીની બોટલો અને સ્ટીકરનો ઉપયોગ કરીને નકલી ઈંગ્લિશ દારૂ બનાવતા એક મોટા રેકેટનો પર્દાફાશ થયો છે. આણંદ લોકલ ક્રાઈમ બ્રાન્ચ (LCB) એ બોરસદ તાલુકાના દહેવાણ ગામમાં દરોડો પાડીને આ ગેરકાયદેસર પ્રવૃત્તિ ઝડપી પાડી છે. બ્રાન્ડેડ કંપનીના નામે નકલી દારૂ તૈયાર કરી વેચવાના આ કાળા કારોબારનો પર્દાફાશ થતાં સમગ્ર પંથકમાં ચકચાર મચી ગઈ છે.
પોલીસ દ્વારા કરવામાં આવેલી આ કાર્યવાહી દરમિયાન ઘટનાસ્થળેથી મોટી માત્રામાં શંકાસ્પદ સામગ્રી મળી આવી છે. જેમાં અંદાજે 575 લીટર આલ્કોહોલ સ્પિરિટનો જથ્થો અને બ્રાન્ડેડ કંપનીના નામે પેકિંગ કરવા માટે રાખવામાં આવેલી 1,514 કાચની ખાલી બોટલો જપ્ત કરવામાં આવી છે. આ ઉપરાંત નકલી દારૂ તૈયાર કરવા માટે ઉપયોગમાં લેવાતો અન્ય સામાન પણ પોલીસે ઘટનાસ્થળેથી કબજે કર્યો છે.
આ સમગ્ર દરોડા દરમિયાન પોલીસે કુલ રૂપિયા 1.39 લાખથી વધુની કિંમતનો મુદ્દામાલ જપ્ત કર્યો છે. પોલીસ તપાસમાં સામે આવ્યું છે કે, આ નકલી દારૂ બનાવવાનો ગેરકાયદેસર કારોબાર હરમતસિંહ પરમાર નામની વ્યક્તિની માલિકીની જગ્યા પર ચાલતો હતો.
આ મામલે આણંદ LCBએ ત્રણ આરોપીઓ વિરુદ્ધ ગુનો નોંધી કાયદેસરની કાર્યવાહી હાથ ધરી છે. પોલીસે જગ્યાના માલિક હરમતસિંહ પરમાર, વડોદરાના અરવિંદ ઉર્ફે ભગો પરમાર અને રાજસ્થાનના દિનેશ નામના શખ્સ વિરુદ્ધ ગુનો નોંધી આગળની તપાસ હાથ ધરી છે.
પોલીસ દ્વારા કરવામાં આવેલી આ કાર્યવાહી દરમિયાન ઘટનાસ્થળેથી મોટી માત્રામાં શંકાસ્પદ સામગ્રી મળી આવી છે. જેમાં અંદાજે 575 લીટર આલ્કોહોલ સ્પિરિટનો જથ્થો અને બ્રાન્ડેડ કંપનીના નામે પેકિંગ કરવા માટે રાખવામાં આવેલી 1,514 કાચની ખાલી બોટલો જપ્ત કરવામાં આવી છે. આ ઉપરાંત નકલી દારૂ તૈયાર કરવા માટે ઉપયોગમાં લેવાતો અન્ય સામાન પણ પોલીસે ઘટનાસ્થળેથી કબજે કર્યો છે.
આ સમગ્ર દરોડા દરમિયાન પોલીસે કુલ રૂપિયા 1.39 લાખથી વધુની કિંમતનો મુદ્દામાલ જપ્ત કર્યો છે. પોલીસ તપાસમાં સામે આવ્યું છે કે, આ નકલી દારૂ બનાવવાનો ગેરકાયદેસર કારોબાર હરમતસિંહ પરમાર નામની વ્યક્તિની માલિકીની જગ્યા પર ચાલતો હતો.
આ મામલે આણંદ LCBએ ત્રણ આરોપીઓ વિરુદ્ધ ગુનો નોંધી કાયદેસરની કાર્યવાહી હાથ ધરી છે. પોલીસે જગ્યાના માલિક હરમતસિંહ પરમાર, વડોદરાના અરવિંદ ઉર્ફે ભગો પરમાર અને રાજસ્થાનના દિનેશ નામના શખ્સ વિરુદ્ધ ગુનો નોંધી આગળની તપાસ હાથ ધરી છે.