અંબાજીની ભીડમાં ભક્ત બનીને ઘૂસેલા બે ખિસ્સાકાતરૂઓને ચાલુ બસમાંથી ઝડપી પાડતી પાલનપુર LCB..

અંબાજી ખાતે યોજાનારા ભાદરવી પૂનમ મહામેળા દરમિયાન કાયદો અને વ્યવસ્થા જાળવવા માટે પોલીસ સતર્ક બની છે. આ દરમિયાન અંબાજીની ભીડમાં ભક્ત બનીને ઘૂસેલા બે ખિસ્સાકાતરૂઓને પાલનપુર લોકલ ક્રાઈમ બ્રાન્ચ (LCB) દ્વારા ચાલુ બસમાંથી ઝડપી પાડવામાં આવ્યા છે..

મળતી માહિતી મુજબ આ શખ્સો ભક્તોના વેશમાં મેળાની ભીડનો લાભ ઉઠાવવા માટે આવ્યા હતા. પરંતુ પાલનપુર એલ.સી.બી.ની સતર્ક નજરથી તેઓ બચી શક્યા ન હતા. પોલીસે વોચ ગોઠવીને ચાલુ બસમાંથી આ બંને ખિસ્સાકાતરૂઓને ઝડપી પાડ્યા છે.ભાદરવી પૂનમ મહામેળા-૨૦૨૬ દરમિયાન મોટી સંખ્યામાં શ્રદ્ધાળુઓ ઉમટી પડતા હોય છે.આ બાબતને ધ્યાનમાં રાખીને વહીવટી તંત્ર અને પોલીસ દ્વારા યાત્રાળુઓને અપીલ કરવામાં આવી છે કે તેઓ મેળા દરમિયાન પોતાની કિંમતી ચીજવસ્તુઓનું ખાસ ધ્યાન રાખે અને આવા ખિસ્સાકાતરૂઓથી સાવધાન રહે.