LCB અને ઠાસરા પોલીસની સંયુક્ત ઓપરેશનમાં ૨,૫૦૦ કિલો ગેરકાયદેસર બીફટેલો જપ્ત

LCB અને ઠાસરા પોલીસની સંયુક્ત ઓપરેશનમાં અંદાજે ૨,૫૦૦ કિલો ગેરકાયદેસર બીફટેલો, ૧૫૦ જેટલા ડબ્બા, ૨૦૦ કિલોનું બેરલ, પાયલોટિંગમાં વપરાતી ઇકો કાર અને ટ્રાન્સપોર્ટ વાહન જપ્ત થયા. ઓપરેશન દરમિયાન સ્થળેથી ત્રણ આરોપીઓની ધરપકડ કરવામાં આવી.

જપ્ત થયેલ બીફટેલાનો રૂટ સેવાલિયાથી ભરીને આણંદ જિલ્લામાં આવેલા ભાલેજ તરફ લઈ જવામાં આવી રહ્યો હતો. તપાસમાં જાણવા મળ્યું કે ઠાસરા તાલુકાના બાધરપુરા ગામ પાસે વોચ ગોઠવી શંકાસ્પદ વાહનનું ચેકિંગ કરતી વખતે જથ્થો મળી આવ્યો.

પોલીસને શંકા છે કે આ અશુદ્ધ ચરબી ખાદ્ય પદાર્થો, ડેરી પ્રોડક્ટ્સ અથવા હોટેલોમાં ગેરકાયદેસર મિલાવટ માટે ઉપયોગમાં લેવાય છે. આ બાબતમાં વધુ તપાસ ચાલુ છે, જેથી કાયદો અમલમાં લાવીને જાહેર આરોગ્યની સુરક્ષા સુનિશ્ચિત કરી શકાય.