କଳାହାଣ୍ଡି ଜିଲ୍ଲାରେ ସମ୍ଭାବ୍ୟ ବାତ୍ୟା "ଅର୍ଣ୍ଣବ "କୁ ନେଇ ପ୍ରଶାସନ ର ବ୍ୟାପକ ପ୍ରସ୍ତୁତି l

କଳାହାଣ୍ଡି ଜିଲ୍ଲାରେ ସମ୍ଭାବ୍ୟ ବାତ୍ୟା "ଅର୍ଣ୍ଣବ "କୁ ନେଇ ଜିଲ୍ଳା ପ୍ରଶାସନ ର ବ୍ୟାପକ ପ୍ରସ୍ତୁତି l

କଳାହାଣ୍ଡି :-କଳାହାଣ୍ଡି ଜିଲ୍ଲାପାଳଙ୍କ ସମ୍ମିଳନୀ କକ୍ଷରେ ଏକ ଗୁରୁତ୍ୱପୂର୍ଣ୍ଣ ବୈଠକ ଅନୁଷ୍ଠିତ ହୋଇଥିଲା l ଏହି ଗୁରୁତ୍ୱପୂର୍ଣ୍ଣ ବୈଠକରେ ମାନ୍ୟବର ସ୍ୱାସ୍ଥ୍ୟ ମନ୍ତ୍ରୀ ଡ଼ଃ. ମୁକେଶ ମହାଳିଙ୍ଗ ଯୋଗଦେଇ ଥିଲେ l ଜିଲ୍ଲାପାଳ ତଥା ସମସ୍ତ ଅଧିକାରୀଙ୍କ ସହ ସମ୍ଭାବ୍ୟ ବାତ୍ୟା ଅର୍ଣ୍ଣବ କୁ କିପରି ନିୟନ୍ତ୍ରିତ କରାଯାଇପାରିବ ବିସ୍ତୃତ ଆଲୋଚନା କରିଥିଲେ l ଏହି ବୈଠକରେ ମାନ୍ୟବର ମନ୍ତ୍ରୀ ଡ଼ଃ. ମହାଳିଙ୍ଗ ବିଶେଷଭାବେ ପ୍ରଭାବିତ ହେବାର ସମ୍ଭାବନା ଥିବା ଅଂଚଳରେ ପ୍ରଶାସନର ବ୍ୟାପକ ପ୍ରସ୍ତୁତି, ସୁରକ୍ଷା ବ୍ୟବସ୍ଥା,ଏବଂ ଜନସାଧାରଣଙ୍କ ଜରୁରୀ ସୁବିଧା ସୁଯୋଗ ନିମନ୍ତେ କରାଯାଇଥିବା ସମସ୍ତ ପଦକ୍ଷେପ ର ବିସ୍ତୃତ ସମୀକ୍ଷା କରିଥିଲେ l ପୁଣି ମନ୍ତ୍ରୀ ମହୋଦୟ ସମସ୍ତ ଜନସାଧାରଣଙ୍କୁ କୌଣସି ଗୁଜବ କଥାରେ ଭୟବିତ ନ ହେବପାଇଁ ଅନୁରୋଧ କରିଥିଲେ l ସମସ୍ତ ପ୍ରକାର ପ୍ରତିକୂଳ ପରିସ୍ଥିତିର ମୁକାବିଲା ପାଇଁ ଜିଲ୍ଲାପ୍ରଶାସନ ସମ୍ପୂର୍ଣ ସଜାଗ ରହିଛନ୍ତି ଏବଂ ଜନସାଧାରଣଙ୍କ ସୁରକ୍ଷା ଓ ସମସ୍ୟାର ସମାଧାନ ପାଇଁ ସଦା ତତ୍ପର ଅଛନ୍ତି ବୋଲି ପ୍ରକାଶ କରିଥିଲେ l ସମ୍ଭାବ୍ୟ ବାତ୍ୟା କୁ ଜିରୋ କାଜୁଆଲିଟି ଲକ୍ଷ୍ୟ ହାସଲ କରିବା ଆମ ସରକାର ସମ୍ପୂର୍ଣ ପ୍ରସ୍ତୁତ ବୋଲି ମତବ୍ୟକ୍ତ କରିଥିଲେ l କଳାହାଣ୍ଡି ଜିଲ୍ଲାପାଳ ସମ୍ବେଦନଶୀଳ ଅଂଚଳରେ ବରିଷ୍ଠ ଅଧିକାରୀ ମାନଙ୍କୁ ମୁତୟନ କରାଯାଇଥିବା କହିଥିଲେ l