खल्लोड गावात शेतात आग: तीन गायी, एक बैल जोडी, एक वासरू जळून खाक

छत्रपती संभाजी नगर जिल्ह्यातील सिल्लोड तालुक्यातील खल्लोड गावात गुरुवारी सायंकाळी शेतात आग लागल्याची घटना घडली. या दुर्दैवी घटनेत तीन गायी, एक बैल जोडी आणि एक वासरू यांचा जागीच मृत्यू झाला.

मिळालेल्या माहितीनुसार, सायंकाळी सातच्या सुमारास शेतामध्ये आग लागली. आगीचे कारण अद्याप स्पष्ट झालेले नाही. मात्र, आगीने रौद्ररूप धारण केल्याने जनावरे बाहेर पडू शकली नाहीत आणि त्यातच त्यांचा मृत्यू झाला.

या घटनेमुळे परिसरात हळहळ व्यक्त केली जात आहे. प्रशासनाकडून पंचनामा करण्याची प्रक्रिया सुरू करण्यात आली आहे.