🔥 ट्रेंडिंग अमर सिंह देवांडा ने हैदराबाद स्टेडियम... भारत ने टर्की को यूएनजीए ड्राफ्ट परामर... ओडिशा विधानसभा विंटर सत्र की सर्वपार्ट... साइकलोन अक्वान से ओडिशा में आज भारी बा... अंध्र प्रदेश में ONGC गैस रिसाव से 800... आंध्र प्रदेश में शुक्रवार को चक्रवात अ...
17 नव. 2026•
ગુજરાતી मराठी ਪੰਜਾਬੀ বাংলা
स्वास्थ्य

कळसखंडमध्ये ५१ नागरिकांसाठी मोफत आरोग्य तपासणी शिबिर आयोजित

✍️ रिपोर्टर: Dr.Aniket Mestri 🗓 17 नव. 2026, 11:28 AM 👁 50
यहाँ देखें: ▶️ YouTube 📘 Facebook 📷 Instagram
शेयर करें: 💬 WhatsApp 📘 Facebook 𝕏 Post

१४ नोव्हेंबर २०२६ रोजी कळसखंड अंगणवाडीमध्ये भारतीय महाक्रांती सेना व इतर संस्थांच्या संयुक्त प्रयत्नांनी ५१ नागरिकांना मोफत आरोग्य तपासणी व क्षयरोग जनजागृती दिली.

१४ नोव्हेंबर २०२६ रोजी कळसखंड अंगणवाडी येथे भारतीय महाक्रांती सेना आरोग्य विभाग, अष्टविनायक फाउंडेशन, अष्टविनायक हॉस्पिटल (मोहपाडा, रसायनी), जिल्हा क्षयरोग केंद्र रायगड व जिल्हा आरोग्य विभाग यांच्या संयुक्त विद्यमाने मोफत आरोग्य तपासणी शिबिर आयोजित करण्यात आले. हा उपक्रम राष्ट्रीय आरोग्य अभियानातील 'क्षयरोग मुक्त भारत – १०० दिवस मोहिमे' अंतर्गत राबविला गेला.

शिबिरात रक्तदाब (BP), रक्तातील साखर (RBS), ईसीजी (ECG) तपासणी, डॉक्टरांचा सल्ला, क्षयरोगाबाबत जनजागृती व विविध आजारांबाबत मार्गदर्शन करण्यात आले. एकूण ५१ नागरिकांनी या तपासण्यांचा लाभ घेतला. तपासणीदरम्यान अधिक उपचारांची आवश्यकता असलेल्या ५ रुग्णांना अष्टविनायक हॉस्पिटल, मोहपाडा (रसायनी) येथे संदर्भित करण्यात आले.

शिबिराच्या यशस्वी आयोजनासाठी डॉ. अनिकेत मेस्त्री (MJPJAY विभाग, MOD) यांनी विशेष परिश्रम घेतले. त्यांच्यासह डॉ. ओमकार निकम, स्टाफ नर्स स्नेहल कांबळे, रितल हांडगे, सहाय्यक अशोक उगलमुगले व आरोग्य सेवक श्री. संकेत सागवेकर यांनी रुग्ण तपासणी व व्यवस्थापनात मोलाचे योगदान दिले.

समुदाय आरोग्य अधिकारी श्री तेजस्वी पवार, आशा सेविका हर्षदा पाटील, सुशीला गोजे, दामिनी पाटील व ग्रामपंचायत कार्यालय सदस्य श्री प्रकाश पाटील यांनीही शिबिराच्या यशस्वी आयोजनासाठी उल्लेखनीय सहकार्य केले. उपस्थित नागरिकांनी या समाजोपयोगी उपक्रमाचे कौतुक व्यक्त केले व भविष्यातही अशी शिबिरे सातत्याने आयोजित होण्याची अपेक्षा व्यक्त केली.
📲Get App