અમદાવાદ: GUJCTOC કેસમાં ફરાર આરોપી LCB ઝોન-7 દ્વારા ઝડપાયો

અમદાવાદ LCB ઝોન-7 પોલીસ દ્વારા ચોક્કસ બાતમીના આધારે કાર્યવાહી કરતાં GUJCTOC એક્ટ હેઠળના ગુનામાં છેલ્લા બે મહિનાથી ફરાર ચાલી રહેલા આરોપી રોઝાનખાન ઉર્ફે શેજાન પઠાણને જુહાપુરા વિસ્તારમાંથી ઝડપી પાડવામાં આવ્યો છે. આરોપી બાબુ કાલિયા ગેંગ સાથે સંકળાયેલો હોવાનું અને હત્યાના પ્રયાસ જેવા ગંભીર ગુનાઓમાં તેની સંડોવણી હોવાનું સામે આવ્યું છે.

પ્રાપ્ત માહિતી અનુસાર, આરોપી રોઝાનખાન ઉર્ફે શેજાન પઠાણ વિરુદ્ધ વેજલપુર પોલીસ સ્ટેશનમાં GUJCTOC એક્ટ સહિત ગંભીર કલમો હેઠળ ગુનો નોંધાયેલો છે. છેલ્લા બે મહિનાથી તે પોલીસ પકડથી દૂર હતો. LCB ઝોન-7ની ટીમે બાતમીના આધારે તેને દબોચી લીધો છે.

પોલીસ તપાસમાં એવી પણ હકીકત સામે આવી છે કે ઝડપાયેલા આરોપી વિરુદ્ધ અગાઉ પણ વેજલપુર પોલીસ સ્ટેશનમાં બે ગુનાઓ નોંધાયેલા છે. આ કાર્યવાહી LCB ઝોન-7 દ્વારા કરવામાં આવી છે અને આ મામલે વધુ તપાસ હાથ ધરવામાં આવી રહી છે.