બારડોલી નગરમાં GPCB અને આરોગ્ય વિભાગે 320 કિલો પ્રતિબંધિત સિંગલ યુઝ પ્લાસ્ટિક જપ્ત કરી દંડ વસૂલ્યો

બારડોલી નગરમાં GPCB અને પાલિકાના આરોગ્ય વિભાગે સરપ્રાઇઝ ચેકિંગ હાથ ધર્યું, જેમાં નગરના વિવિધ વેપારી મથકોમાં દરોડા પાડવામાં આવ્યા.

સંયુક્ત ટીમે 4 મોટા હોલસેલ વેપારીઓને તપાસ્યા અને ત્યાંથી આશરે 320 કિલો પ્રતિબંધિત સિંગલ યુઝ પ્લાસ્ટિક મળી આવ્યું.

તાત્કાલિક જપ્તી કરવામાં આવી અને નિયમોનું ભંગ કરવા બદલ સંબંધિત વેપારીઓ પાસેથી કુલ રૂ. 22,000 નો દંડ વસૂલ્યો.

સિંગલ યુઝ પ્લાસ્ટિક કુદરતી રીતે નષ્ટ થતું નથી, તેને માટીમાં ભળવામાં 200 થી 500 વર્ષ કે તેથી વધુ સમય લાગે છે, જે પૃથ્વી પર કચરાનો મોટો ઢગલો બનાવે છે. ફેંકાયેલ પ્લાસ્ટિક નાળા, ગટર અને નદીઓમાં જમા થઈને પાણીનો નિકાલ રોકે છે, જમીનની ફળદ્રુપતા ઘટાડે છે અને પશુઓ તથા દરિયાઈ જીવો માટે ઘાતક છે.