ચાંગોદર GIDCમાં LCBનો સપાટો, 35,199 બોટલ વિદેશી દારૂ જપ્ત

અમદાવાદ ગ્રામ્યના ચાંગોદર GIDCના મહા ગુજરાત ઇન્ડસ્ટ્રીયલ એસ્ટેટમાં LCB દ્વારા મોટી કાર્યવાહી હાથ ધરવામાં આવી છે. શ્યામ મેટલ કંપનીના ગોડાઉનમાંથી વિદેશી દારૂનો મોટો જથ્થો ઝડપી પાડવામાં આવ્યો છે.
LCBની કાર્યવાહી દરમિયાન દારૂની નાની-મોટી કુલ 35,199 બોટલ જપ્ત કરવામાં આવી છે. આ ઉપરાંત ત્રણ વાહનો અને છ મોબાઇલ ફોન પણ કબજે કરવામાં આવ્યા છે. પોલીસે કુલ લાખો રૂપિયાનો મુદ્દામાલ જપ્ત કરી ચાર આરોપીઓને ઝડપી લીધા હોવાનું સામે આવ્યું છે.પકડાયેલા વિદેશી દારૂનો જથ્થો ક્યાંથી લાવવામાં આવ્યો હતો અને કોને પહોંચાડવાનો હતો તે અંગે LCB દ્વારા વધુ તપાસ હાથ ધરવામાં આવી છે.
ચાંગોદર GIDCમાં થયેલી આ મોટી કાર્યવાહીને પગલે દારૂના નેટવર્કમાં ખળભળાટ મચી ગયો છે.
રિપોર્ટર.
આસીકઅલી ગીલાણી
વિરમગામ