ભરૂચ-દહેજ રોડ પર GACL કંપનીની બસ ટેન્કરમાં ઘુસી, અનેક કંપની વર્કર્સ ઘાયલ

ભરૂચથી દહેજ જતા મુખ્ય માર્ગ પર એક ગંભીર માર્ગ અકસ્માત સર્જાયો છે. પ્રાપ્ત માહિતી અનુસાર, GACL કંપનીની એક ખાનગી બસ ચાલુ ટેન્કરમાં પાછળથી અથડાઈ હતી. આ ટક્કર એટલી જોરદાર હતી કે બસને ભારે નુકસાન થયું હતું.

આ અકસ્માતમાં ત્રણથી ચાર કંપનીના કર્મચારીઓ ઘાયલ થયા હોવાનું જાણવા મળ્યું છે. સદનસીબે, આ ઘટનામાં કોઈ જાનહાનિ થઈ નથી. ઘાયલ થયેલા કર્મચારીઓને તાત્કાલિક સારવાર માટે નજીકની હોસ્પિટલમાં ખસેડવામાં આવ્યા છે.

અકસ્માતના કારણે દહેજ રોડ પર વાહનવ્યવહાર થોડા સમય માટે ખોરવાયો હતો. સ્થાનિક પોલીસે ઘટનાસ્થળે પહોંચી પરિસ્થિતિનો તાગ મેળવી વધુ તપાસ હાથ ધરી છે. અકસ્માતના ચોક્કસ કારણોની તપાસ હાલ ચાલી રહી છે.