एमपीएससी आंदोलक विवेकानंद पाटील यांचे माजगावमध्ये जंगी स्वागत

पुण्यातील महाराष्ट्र लोकसेवा आयोग (एमपीएससी) आंदोलनात आपल्या वक्तृत्व आणि संघर्षाने राज्यभर चर्चेत आलेला कोल्हापूरचा तरुण नेता विवेकानंद पाटील आपल्या मूळ गावी परतला आहे. कोल्हापूर जिल्ह्यातील माजगाव येथे त्याचे आगमन झाले असता, ग्रामस्थांनी प्रचंड उत्साहात आणि जंगी स्वागत केले.

या स्वागताचा भाग म्हणून, विवेकानंद पाटील यांच्या सन्मानार्थ गावातून मिरवणूक काढण्यात आली. ठिकठिकाणी सुवासिनींनी त्याला औक्षण केले, तर गावकऱ्यांनी हार घालून त्याचा गौरव केला. या प्रेमळ स्वागताने विवेकानंद पाटील भारावून गेला.

यावेळी बोलताना विवेकानंद पाटील यांनी आपल्या भावना व्यक्त केल्या. ते म्हणाले, "एमपीएससी आंदोलनात मी लढत असताना अनेक गावकऱ्यांनी मला भेटून पाठिंबा दिला. माझं गाव माझ्या पाठीशी उभे आहे, ही माझ्यासाठी अतिशय आनंदाची बाब आहे." पुण्यातील आंदोलनादरम्यान विवेकानंद पाटीलने केलेल्या प्रभावी भाषणांमुळे त्याला मोठी प्रसिद्धी मिळाली होती.