Elon Musk ਦਾ ਯੂਕ੍ਰੇਨ 'ਤੇ ਵੱਡਾ ਦੋਸ਼, ਡਰੋਨ ਹਮਲਿਆਂ ਲਈ ਕੀਤੀ ਸਟਾਰਲਿੰਕ ਦੀ ਗਲਤ ਵਰਤੋਂ

Elon Musk ਦਾ ਯੂਕ੍ਰੇਨ 'ਤੇ ਵੱਡਾ ਦੋਸ਼, ਡਰੋਨ ਹਮਲਿਆਂ ਲਈ ਕੀਤੀ ਸਟਾਰਲਿੰਕ ਦੀ ਗਲਤ ਵਰਤੋਂ
‎Sunday, Oct 25, 2026 ।
‎ਵਾਸ਼ਿੰਗਟਨ : ਦੁਨੀਆ ਦੇ ਸਭ ਤੋਂ ਅਮੀਰ ਕਾਰੋਬਾਰੀ ਅਤੇ ਸਪੇਸਐਕਸ ਦੇ ਸੀਈਓ ਐਲੋਨ ਮਸਕ ਨੇ ਯੂਕਰੇਨੀ ਫੌਜ ਨੇ ਸਟਾਰਲਿੰਕ ਦੀਆਂ ਸੇਵਾ ਦੀਆਂ ਸ਼ਰਤਾਂ ਦੀ ਉਲੰਘਣਾ ਕੀਤੀ ਹੈ। ਉਨ੍ਹਾਂ ਕਿਹਾ ਕਿ ਉਹ ਉਸ ਦਾ ਇਸਤੇਮਾਲ "ਲੋਕਾਂ ਨੂੰ ਮਾਰਨ" ਲਈ ਅਪਮਾਨਜਨਕ ਡਰੋਨ ਹਮਲਿਆਂ ਵਜੋਂ ਕਰ ਰਹੇ ਹਨ। X 'ਤੇ ਇੱਕ ਪੋਸਟ ਸ਼ੇਅਰ ਕਰਦੇ ਹੋਏ ਐਲੋਨ ਮਸਕ ਨੇ ਦੱਸਿਆ ਕਿ ਇਸ ਲੂਪਹੋਲ (ਕਮਜ਼ੋਰੀ) ਨੂੰ ਪਿਛਲੇ ਹਫ਼ਤੇ ਹੀ ਬੰਦ ਕਰ ਦਿੱਤਾ ਗਿਆ ਸੀ। ਉਨ੍ਹਾਂ ਇਹ ਵੀ ਕਿਹਾ ਕਿ ਸਟਾਰਲਿੰਕ ਨੇ ਯੁੱਧ ਦੇ ਸ਼ੁਰੂਆਤੀ ਦਿਨਾਂ ਵਿੱਚ ਰੂਸ ਨੂੰ ਯੂਕਰੇਨ 'ਤੇ ਪੂਰੀ ਤਰ੍ਹਾਂ ਕਬਜ਼ਾ ਕਰਨ ਤੋਂ ਰੋਕਣ ਵਿੱਚ ਮਹੱਤਵਪੂਰਨ ਭੂਮਿਕਾ ਨਿਭਾਈ।
‎ਐਲੋਨ ਮਸਕ ਨੇ 'X' 'ਤੇ ਸ਼ੇਅਰ ਕੀਤੀ ਪੋਸਟ ਵਿਚ ਲਿਖਿਆ, "ਸਟਾਰਲਿੰਕ ਇੱਕ ਵਪਾਰਕ ਸੇਵਾ ਹੈ ਅਤੇ ਡਰੋਨ ਹਮਲਿਆਂ ਵਿੱਚ ਲੋਕਾਂ ਨੂੰ ਮਾਰਨ ਲਈ ਇਸਦੀ ਵਰਤੋਂ ਕਦੇ ਵੀ ਸਵੀਕਾਰਯੋਗ ਨਹੀਂ ਸੀ ਅਤੇ ਨਾ ਹੀ ਹੋਣੀ ਚਾਹੀਦੀ ਹੈ। ਸਟਾਰਸ਼ੀਲਡ ਇੱਕ ਵੱਖਰਾ ਸਿਸਟਮ ਹੈ, ਜਿਸ ਨੂੰ ਅਮਰੀਕੀ ਸਰਕਾਰ ਕੰਟਰੋਲ ਕਰਦੀ ਹੈ। ਉਹ ਕੀ ਫੈਸਲਾ ਕਰਦੇ ਹਨ ਇਹ ਉਨ੍ਹਾਂ 'ਤੇ ਨਿਰਭਰ ਕਰਦਾ ਹੈ। ਯੂਕਰੇਨੀ ਫੌਜ ਨੇ ਸਟਾਰਲਿੰਕ ਦੀਆਂ ਸੇਵਾ ਦੀਆਂ ਸ਼ਰਤਾਂ ਦੀ ਉਲੰਘਣਾ ਕੀਤੀ ਅਤੇ ਲੋਕਾਂ ਨੂੰ ਮਾਰਨ ਲਈ ਡਰੋਨ ਹਮਲਿਆਂ ਵਿੱਚ ਇਸਦੀ ਵਰਤੋਂ ਕੀਤੀ। ਇਹ ਨੁਕਸ ਪਿਛਲੇ ਹਫ਼ਤੇ ਹੀ ਠੀਕ ਕੀਤਾ ਗਿਆ ਸੀ।''