ભાદરવી પૂનમ મેળાના સફળ આયોજન બદલ બનાસકાંઠા કલેક્ટર અને DDO દ્વારા ભવ્ય પદયાત્રા..

ભાદરવી પૂનમ મહામેળા ૨૦૨૬ નું સફળતાપૂર્વક આયોજન સંપન્ન થયું છે.આ સફળતા બદલ કૃતજ્ઞતા વ્યક્ત કરવાના ભાગરૂપે બનાસકાંઠા જિલ્લા વહીવટી તંત્ર દ્વારા એક વિશેષ કાર્યક્રમનું આયોજન કરાયું. જિલ્લા કલેક્ટર મિહિર પટેલ અને DDO એમ.જે.દવેના નેતૃત્વ હેઠળ, વહીવટી અધિકારીઓ અને કર્મચારીઓએ ત્રિશૂળિયા ઘાટથી પ્રસિદ્ધ અંબાજી મંદિર સુધી એક ભવ્ય પદયાત્રા યોજી.આ પદયાત્રાનો મુખ્ય ઉદ્દેશ્ય ભાદરવી પૂનમ મહામેળા દરમિયાન દર્શનાર્થીઓ અને યાત્રાળુઓને પૂરી પાડવામાં આવેલી સુવિધાઓ અને વ્યવસ્થાઓની સફળતા બદલ સૌનો આભાર માનવાનો હતો. મેળા દરમિયાન કાયદો અને વ્યવસ્થા જાળવવા, સ્વચ્છતા જાળવવા અને યાત્રાળુઓની સુવિધા માટે કરવામાં આવેલી કામગીરીની પ્રશંસા કરવામાં આવી..

આ પ્રસંગે જિલ્લા કલેક્ટર મિહિર પટેલે જણાવ્યું હતું કે આવા મોટા આયોજનોમાં સૌના સહયોગથી જ સફળતા મળે છે. તેમણે મેળા દરમિયાન ફરજ બજાવનાર તમામ અધિકારીઓ, કર્મચારીઓ અને સ્વયંસેવકોના પ્રયાસોને બિરદાવ્યા હતા. આ પદયાત્રા દ્વારા વહીવટી તંત્રએ ભક્તો અને સ્થાનિક સમુદાય પ્રત્યે પોતાની પ્રતિબદ્ધતા દર્શાવી.