કરજણ ટોલટેક્સ પાસે CNG પંપ પર કારમાં ભયાનક બ્લાસ્ટ, લોકોમાં અફરાતફરી

કરજણ ટોલટેક્સ પાસે આવેલા એક CNG પંપ પર ગેસ રિફિલિંગ કરાવતી વખતે એક કારના સિલિન્ડરમાં અચાનક જોરદાર બ્લાસ્ટ થયો હતો. આ ઘટનાને કારણે પંપ પર હાજર વાહનચાલકો અને કર્મચારીઓમાં ભારે ભય અને અફરાતફરીનો માહોલ સર્જાયો હતો.

આ ધડાકા એટલો જોરદાર હતો કે આસપાસના લોકો પણ ગભરાઈ ગયા હતા. જોકે, સદનસીબે આ દુર્ઘટનામાં કોઈ પણ વ્યક્તિને ઈજા પહોંચી નથી અને કોઈ જાનહાનિ થઈ નથી, જેના કારણે મોટી હોનારત ટળી છે.

આ સમગ્ર ઘટનાના CCTV ફૂટેજ પણ સામે આવ્યા છે, જે હાલ સોશિયલ મીડિયા પર ખૂબ જ વાયરલ થઈ રહ્યા છે. ફૂટેજમાં સ્પષ્ટપણે જોઈ શકાય છે કે કેવી રીતે ગેસ રિફિલિંગ દરમિયાન અચાનક કારમાં વિસ્ફોટ થાય છે.