કરજણ ટોલટેક્સ નજીક CNG કારમાં ગેસ ભરાવતી વખતે બોટલ ફાટતાં અફરાતફરી

કરજણ ટોલટેક્સ નજીક આવેલા એક ઈન્ડિયન ઓઈલ પેટ્રોલ પંપ પર આજે એક વિચિત્ર ઘટના બની હતી. પેટ્રોલ પંપ પર એક CNG કારમાં ગેસ ભરાવાની પ્રક્રિયા ચાલી રહી હતી તે દરમિયાન અચાનક જ કારની CNG બોટલમાં જોરદાર બ્લાસ્ટ થયો હતો.

આ બ્લાસ્ટ એટલો પ્રચંડ હતો કે આસપાસના લોકોમાં ભયનો માહોલ સર્જાયો હતો અને અફરાતફરી મચી ગઈ હતી. જોકે, સદનસીબે આ દુર્ઘટનામાં કોઈ વ્યક્તિને ઈજા પહોંચી નથી કે કોઈ જાનહાનિ થઈ નથી.

ઘટનાની જાણ થતાં જ સ્થાનિક લોકો અને પેટ્રોલ પંપના કર્મચારીઓ ઘટનાસ્થળે દોડી આવ્યા હતા. આ બનાવ બાદ CNG વાહનોમાં ગેસ ભરવા અંગે સુરક્ષાના પ્રશ્નો ફરી એકવાર ચર્ચામાં આવ્યા છે.