અમદાવાદ: લાલદરવાજા પાલિકાબજાર પાસેથી નકલી CISF અધિકારી ઝડપાયો

અમદાવાદ શહેરમાં લાલદરવાજા પાલિકાબજાર વિસ્તારમાંથી નકલી CISF અધિકારી બનીને લોકોને છેતરપિંડી કરનાર એક શખ્સને પોલીસે ઝડપી પાડ્યો છે. આ શખ્સ પોતાને CISF માં DSP તરીકેની ઓળખ આપીને લોકોમાં રોફ જમાવતો હતો.

પોલીસે મળેલી બાતમીના આધારે 31 વર્ષીય અઝમા એ સિકંદર કમ્બોઝ નામના આ શખ્સની ધરપકડ કરી છે. તેની પાસેથી CISF ના DSP રેન્કનું નકલી ઓળખકાર્ડ પણ મળી આવ્યું છે, જેના આધારે તે પોતાને ઉચ્ચ અધિકારી તરીકે દર્શાવતો હતો.

આ સમગ્ર ઘટના અંગે કારંજ પોલીસે ગુનો દાખલ કર્યો છે અને આરોપીની વધુ પૂછપરછ હાથ ધરી છે. પોલીસ એ જાણવાનો પ્રયાસ કરી રહી છે કે આ શખ્સ કેટલા સમયથી આ પ્રવૃત્તિમાં સંડોવાયેલો હતો અને તેણે અન્ય કોઈ લોકોને પણ આ રીતે છેતર્યા છે કે કેમ.