🔥 TRENDING Bihar's Kacchi Dargah‑Bidupur Bridge N... Congress Sweeps Kekri’s Savar Panchaya... Congress Leads in Jaipur Panchayat Ele... Karnataka Extends Deadline for NEET PG... Supreme Court Dismisses Tamil Nadu's R... MP Amritpal Singh released from Debrug...
20 Nov 2026•
ગુજરાતી मराठी ਪੰਜਾਬੀ বাংলা
જાફરાબાદમાં BSNLની નબળી નેટવર્ક સેવા સામે ગ્રાહકોનો રોષ, તપાસની માંગ
Local

જાફરાબાદમાં BSNLની નબળી નેટવર્ક સેવા સામે ગ્રાહકોનો રોષ, તપાસની માંગ

✍️ Reporter: Rangpara Shaileshbhai 🗓 29 Sep 2026, 11:48 PM 👁 89
Share: 💬 WhatsApp 📘 Facebook 𝕏 Post

જાફરાબાદ શહેર અને ગ્રામ્ય વિસ્તારોમાં છેલ્લા એક માસથી BSNL મોબાઇલ નેટવર્કની કથળેલી સેવાને કારણે ગ્રાહકો ભારે હાલાકી ભોગવી રહ્યા છે. ઇન્ટરનેટ સેવા અને કવરેજ નબળા હોવાથી લોકોમાં રોષ જોવા મળી રહ્યો છે.

જાફરાબાદ શહેર સહિત તાલુકાના ગ્રામ્ય વિસ્તારોમાં BSNL મોબાઇલ નેટવર્કની કથળેલી સેવાને લઈને ગ્રાહકોમાં ભારે રોષ જોવા મળી રહ્યો છે. છેલ્લા એકાદ માસથી BSNLના ટાવરોમાં ઇન્ટરનેટ સેવા યોગ્ય રીતે ચાલતી ન હોવાના કારણે ગ્રાહકોને મુશ્કેલી પડી રહી છે.

અનેક વિસ્તારોમાં મોબાઇલ કવરેજ પણ યોગ્ય રીતે મળતું નથી અને ઇન્ટરનેટની સ્પીડ ખૂબ જ નબળી રહેતી હોવાની ફરિયાદો ઉઠી છે. ખાસ કરીને ગ્રામ્ય વિસ્તારોમાં આ સમસ્યા વધુ વકરી છે, જેના કારણે ગ્રાહકોને ઓનલાઈન કામગીરી કરવામાં હાલાકી ભોગવવી પડે છે.

ખાનગી કંપનીઓના મોંઘા રિચાર્જના કારણે લોકો BSNLના સસ્તા ટેરિફનો ઉપયોગ કરવાનું પસંદ કરે છે, પરંતુ યોગ્ય નેટવર્ક ન મળતાં તેમની મુશ્કેલી વધી છે. ડિજિટલ યુગમાં ઓનલાઈન શિક્ષણ, બેન્કિંગ અને સરકારી સેવાઓ માટે ઇન્ટરનેટ અનિવાર્ય બન્યું છે.

આ પરિસ્થિતિને ધ્યાનમાં રાખીને, BSNL તંત્ર દ્વારા ટાવરોની ટેકનિકલ તપાસ કરી નેટવર્ક અને ઇન્ટરનેટ સેવામાં તાત્કાલિક સુધારો કરવામાં આવે તેવી માંગ ગ્રાહકો દ્વારા ઉગ્રપણે કરવામાં આવી રહી છે.
📲Get App