କଟକ ରେଭେନ୍ସା ବିଶ୍ବବିଦ୍ୟାଳୟରେ ବାଜି ମାରିଲା BCJD

ଛାତ୍ର ସଂସଦ ନିର୍ବାଚନରେ କଟକ ରେଭେନ୍ସା ବିଶ୍ୱବିଦ୍ୟାଳୟରେ ବାଜି ମାରିଛି ବିଜୁ ଛାତ୍ର ଜନତା ଦଳ (BCJD)। ଏହାର ପ୍ରାର୍ଥୀ ଜିତିଛନ୍ତି ସଭାପତି ପଦ। ଏହି ପଦରେ ବାଜି ମାରିଥିବା BCJD ପ୍ରାର୍ଥୀ ହେଉଛନ୍ତି ବିଶ୍ୱଜିତ ସାହୁ।
ରେଭେନ୍ସାରେ ସମ୍ପାଦକ ପଦ ହାତେଇଛି ଏବିଭିପି। ଏହାର ପ୍ରାର୍ଥୀ ତାପସ ନାୟକ ଏହି ପଦରେ ବିଜୟୀ ହୋଇଛନ୍ତି।
ସମ୍ବଲପୁର ସ୍ଥିତ ଗଙ୍ଗାଧର ମେହେର (GM) ବିଶ୍ୱବିଦ୍ୟାଳୟରେ ହୋଇଥିବା ଛାତ୍ର ସଂସଦ ନିର୍ବାଚନରେ ଅଖିଳ ଭାରତୀୟ ବିଦ୍ୟାର୍ଥୀ ପରିଷଦ ( ABVP)ର ବିଜୟ ହୋଇଛି। ସଭାପତି ଭାବେ ସ୍ୱାଧୀନ ଆଚାର୍ଯ୍ୟ ବିଜୟୀ ହୋଇଥିବା ବେଳେ ସମ୍ପାଦକ ଭାବେ ନିଖିଲ ଅଗ୍ରୱାଲ ଜିତିଛନ୍ତି। ବିଶ୍ୱବିଦ୍ୟାଳୟର ସମସ୍ତ ୧୩ ପଦବୀରେ ABVP ପ୍ରତିନିଧିଙ୍କ ବିଜୟ ହୋଇଛି।